44
oder em Unentschiede id Schlussphase
isch cho. We de dr Gägner zudäm no chli
het Druck gmacht, de hets de meistens
aube bi üs igschlage statt bim Gägner. Ja,
si vielech diä Chlinigkeite gsi, wo dr Un-
gerschied hei usgmacht. Aber da mache ig
mire doch no rächt junge Mannschaft ke
Vorwurf. Schliesslech het si immer kämpft
bis am Schluss u het probiert ds beschtä
z’erreiche.
So hei mir bis ändi Saison 2 mau gwunne,
3 mau unentschiede gspiut u 3 mau ver-
lore (2 mau dervo mit eim Gou Differenz).
D’Resultat – das het me immer gspürt - si
de Spieler wichtig gsi. Das isch natürlech es
guets Zeiche u zügt drvo, das d’Gielä öpis
wei erreiche. Mir aus Trainer si d’Resultat
natürlech o sehr wichtig. Aber no wichti-
ger isch, das diä Giele ä Mannschaft wär-
de u sech aus Einheit gseh. Wichtig isch,
das si gärn is Training chöme u wei schut-
te, wöu’s ihres liebste Hobby isch u wöu si
dert gueti Kollege träffä.
I mues sägä, dasi das letschte Jahr sehr ha
gnosse. D’Jungs hei mit ihrem Fliess u ih-
rem Engagement immer wieder zeigt, das
si vo däm Sport begeisteret si. Das isch
bi derä breite Uswahl a angerne Hobbys
mängisch fasch nümme säubverständlech.
Ig hoffä eifach, dass si ihri Fröid am Fu-
essbau nid verliere u ihre Siegeswiue bib-
haute, de wird hiä u da ä Spieler am FC
Langnau no sehr viu Fröid bereite.
Ä spezielle Dank:
• A aui Eutere wo Fahrdienschtä
gleischtet hei – das isch für d’Spieler
sehr wärtvou
• A Spiko (Rolf Rothebüehler) für diä su-
per Organisation
• A üser Kifu-Schiri’s (Michu Oberli u
Mätthu Boumgartner)
• Ad FC Beiz das mir üs nachem Match
hei chönne verpflege
Ig wünschä aune ä schöni Summerpouse
u ig hoffe, das dir witer am Ball blibet!
Seppu
J UN I O R E N DA
