38
Nachem erfougriche Trainingslager si mir
parat für d Rückrundi gsi und hei ds ers-
te Spiu mitemne souveräne 3:0 Sieg gäg
Radelfingen für üs chönne entscheide. Di
nächste Spiu si mau chli besser, mau chli
schlechter verloffe. Am Schluss si mir mit
3 Siege, 3 Unentschiede und 2 verlorni-
ge Matche uf Platz 4 vor Tabelle glandet.
Rückblickend cha me gloub säge, dass es e
usglichni Rückrundi für üs isch gsi.
Natürlech heimr ou im Bärner Cup wie-
der mitgspiut. Nachdem mir letschts Jahr
im Finau gäge FC Goldstern im Penal-
tyschiesse verlore hei, simer das Jahr im
Viertusfinal wieder uf Goldstern troffe.
Nach 5 Minute hei mir scho ds erste Goal
übercho und erst ir 83 Minute heimr dr
Usglich gschafft. Somit isch`s wie letschts
Jahr wieder zum Penaltyschiesse cho. Das-
mau isch ds Glück aber uf üsere Site gsi
ou dank dr Katrina, wo 3 Penalty souve-
rän het gha! Somit simr im Haubfinal gsi
u ufä FC Rot-Schwarz troffe. Leider heimr
dr Finalizug das Jahr verpasst und kämpfe
drum am nächste Samstig z Langnau ou
nid ume Sieg…
Nachem letschte Spiu gäge FC Kerzers-
Laupen heimr 3 Spielerinne vo üsem Team
leider müesse verabschidä. Ds Lisi und d
Suslä hei dr Rücktritt bekannt gä und d
Svenä verlaht üs, für bi de Dame 2 witer
zspile. Mir möchte öich hie nomau es risä
MERCI usspräche u öich für die tolli Zit
dankä! Es isch immer super gsi mit öich u
dir wärdet üs ufem und näbem Platz fähle!
D Saison heimr mitemne Spass-Turnier z
Oberburg letschts Wuchenänd abgschlos-
se. Mitemne gmischtä Team (Damen 1,
Damen 2 und Juniorinne) heimr dr 2. Platz
gholt u e grossä Pokal gwunne – wome
natürlech ou für angeri Zwäcke cha bruche
wie me uf däm Föteli näbedrann gseht!
J
Nice
RÜCKRUNDE
F R AU E N
Lisi & Sue Merci! Ou es MERCI a üse Trainer Dänu, mit dir chames ou näbem Platz lustig ha.
