35
Mir schribe dr Novämber 2014 – d’Spieler
hei d’Nockäschueh gägä Haueturnschueh
ituschet u d’Chleidig dä klimatische Be-
dingige apasst. Aber bevor mir Trainer id
Zuekunft luege – wei mir doch ono e Blick
zrügg id Vergangeheit wärfe.
Im Summer het dr Verein nöii Trainer gsu-
echt u si bi de Da-Juniore bir Yvonne u mir
fündig worde. Mir hei es Kader mit 14 mo-
tivierte Spieler übercho. Dr erscht Ärnscht-
kampf het nid lang uf sech la warte u so
hei mir diä erschti Cup-Rundi nach wenige
Training absolviert.
Das isch für üser Jungs no z’früech gsi u
so si mir gäge BeO-Ost us Interlake bereits
mit 1:3 usgschiede. O dr Start id Meisch-
terschaft gägä Huttwil isch mit äre 3:1
Niederlag nid guet verlüffe. D’Sorgefaute
bi de Trainer si aber nid unbedingt grösser
worde. Schliesslech het me gseh, das e hu-
ufe Talänt ume si. Zudem hei d’Jungs nid
gross Zyt gha sech z’finge. Im Verlouf vor
Meischterschaft hei mir när 5 Siege errun-
ge, 1 Unentschiede erspiut u 3 Niederlage
kassiert. Ir Tabäuä si mir somit 4. worde,
was in etwa dä Erwartige vom Trainer-Duo
entsproche het.
We mä diä Herbstrundi chli gneuer aluegt,
isch erkennbar, das üses Team mit 4 Siege
ä Top-Heimbilanz het gha. Diä Top-Leisch-
tig isch sicher o am Publikum z’verdanke,
wo üses Team tatchräftig ungerstützt hei.
Uswärts hingägä isch d’Lag eher düschter
gsi. 3 Niederlage u 1 Unentschiede hets
gä. Das isch leider chli zweni gsi, um ir Ta-
bäuä ganz vore derbi z’si.
Mir häufe im Verein aktiv mit
!
Egau ob a dä Bärner Cupfinau Täg ir Rouä
aus „Balljunge“ oder am Benefizspiu aus
Losverchöifer – d’Jungs hei im Verein im-
mer tatchräftig apackt u hei iri Ufträg im-
mer sehr zueverlässig usgfüehrt. MERCI
viu mau Giele!!! Das macht üs Trainer äbä
so stouz wiä di sportlechi Leischtig.
Ä chlyne Usblick
Im Winter wärde mir itz chli Haueschütte-
le u üs regumässig a Turnier mit angerne
Mannschafte mässä. Ab Januar wei mir
när luege, das mir d’Giele miteme zuesätz-
leche Training uf d’Früehligsrundi optimau
chöi vorbereite.
Ä spezielle Dank a:
…üse Spiko (Rolf Rothebüehler) für diä su-
per Organisation!
…üser Schiedsrichter (Beat Althaus, Kur-
nazca-Brothers u a Mätthu Boumgartner)
für diä Top-Leistig!
… aui Eutere wo Fahrdienste leischte oder
d’Giele süsch so fliessig ungerstützt hei!
Öies Trainerduo
Yvä u Seppu
Mir häufe im Verein aktiv mit
!
J UN I OR E N DA
