7
Drei Aktivmannschafte heimer. Jedi
kämpft momentan ume Erhaut vor Liga.
Das isch eTatsach. Id Saison gstartet isch
aber äuä nume zDrü mitem Ziu Ligaerhaut.
Bim Eis u em Zwöi si Ziusetzige angers gsi:
Vorne mitspilä (Ufstieg?)! D Realität gseht
angers us. Isch üse Verein ire Krisä? Das
wet i mir hie nid amasse das z beurteile.
Het der Fc Langnau überhoupt z Potentiau
ir Zuekunft chönne 2. Liga z spilä?
Das faht mitere ganz eifache Frag a: Wi
mänge Spieler bruchts ire Fuessbaumann-
schaft? 11? 14? We dir Wermueth Tinu
fraget öpe 35. I würd säge 20. Aber 20 wo
immer da si. Was mues ä Spiler mitbringe,
wo ir 2. Liga wot besta? Meh aus 3 mau
jongliere une usserischt Pass über 20 Me-
ter z spilä? I dere Gruppe, für mi di beschti
Gruppe sit Jahre, si ono ganz angeri Qua-
litäte gfragt. Lideschaft, Härz, Siegermen-
talität, dr Wiue sini angere Hobbys wäh-
rend dr Meischterschaft zrügg z stekä, …
Mir hei momentan leider nid annähernd
20 Spieler mit dene Eigeschafte.
Isch de 2. Liga Fuessbau die nächschte Jah-
re hie z Langnau nüm müglech? Oder bi ig
eifach der fautsch Trainer für das Team? Ir
gröschte schwizer Tageszitig giebs da ei-
fach e Umfrag u när wüsstmes. I cha aber
di Frag nid eifach so beantworte. Mir hei
viu verletzti Spiler gha. Mit e chli Glück
hätemer im einte oder angere Match…
Aber äbe: Mir stöh ufemne Abstiegsplatz.
Schönredä bringt nüt. Usem Seich chöme-
mer mit Schönredä sicher nid. O jongliere
u Usserischtpäss füere miner Meinig nach
nid zum gwünschte Resultat. Hätti Sache
angers söue mache? Ja, aber hingerdri
isch immer eifach.
Iz luegeni füre u probieres z ändere. Öbs
glingt, hanget nid nume vo mir ab. Aber
aus Trainer stah i ir Verantwortig. Die
nime i wahr, u wirde aues drasetze, dasme
z Langnau o nächscht Saison no 2. Liga-
fuessbau cha spilä. I bi überzügt das o d
Spieler begriffe hei, dases eso nid cha wi-
terga, u mir zäme, miter richtige Istellig ,
der Wäg us dere Misère finge. Iz wünsche
i aune e gueti Erholig vom körper u em
Geischt, so dasmer d Antwort de im Frü-
helig ufem Platz chöi gä.
Reto Flückiger
Z ‘ E I S
WO GEITS HÄRE MITEM EIS?
