31
Vorbereitig
Bis dr Schnee im Moos gschmulze isch,
hei mir üs mit Halletrainings, Halleturnier-
li (Willisau, Ins, Lyss) u Bodyline-Bsüech
fit ghaute. Mitem Fründschaftsspiu
z’Oberdiessbach hei mir o grad mau dussä
chönne zeige ob mir bereit si ä Top-3-Platz
ir 1. Stärchiklass z’hole.
Liecht u Schattä ir Meisterschaft
Dr Start id Meisterschaft isch de aber de-
finitiv i d‘Hosä. Trotz dr guetä Vorbereitig
hei mir das Startspiu gägä künftig Meis-
ter 8:0 verlore. D’Giele hei aber dä Match
schnäu vergässä u bereits im nächste
Spiu ä Reaktion zeigt. Miteme 5:4 gägä
Lotzwiu-Madiswiu u zwene Kantersiege
(sogar gägä künftig zwöitplatziert) si mir
bereits wieder ganz vorä derbi gsi. Ä Nie-
derlag in Burgdorf het d’Euphorie aber lei-
der ume brämset. Doch z’Team het drufa-
bä wieder reagiert u wiederum 3 Siege
erzouberet. Am Schluss si üser Giele ufem
3.-Rang glandet – punktgliich mitem zwö-
itplatzierte Huttwil u 1 Punkt hingerem
Ämmä-Team.
Nach derä Früehligsrundi lohnt sech ä
Blick uf d’Statistik:
• Ir Früehligsrundi hets wieder ke Heim-
Niederlag gä
• D’Jungs hei i 8 Spiu 49 Gou gschosse
(6 pro Spiu!)
• Es het 25 Gou gägä üs gä (3 pro Spiu
– dr Startniederlag sei Dank :-S)
• Mit 2.25 Punkt pro Spiu hei mir ä Top-
Wärt erreicht. Niedemau dr aktuell
Schwizer-Meister het ä settegi Usbüti.
Saisonabschluss
Am 17. Juni hei mir no üse Saisonabschluss
gha. Es Mätschli Juniorä gägä d’Eutere
isch äbä sones Highlight gsi wiä di gue-
ti Verpflegig ir FC Beiz. Danke viu mau a
Slävu u Bruno für diä super Grillade u de
Eutere u Gschwüsterti wo mi u d’Yvä bim
Mätschli ungerstützt hei.
Fazit
Ä super Saison mit super Giele i sportle-
cher u persönlecher Hinsicht. D’Eutere hei
zudem diä notwändegi Ungerstützig mit-
brunge u so guet ghulfe wiä’s nume geit.
O sitens Spiuorganisation u Schiedsrichter-
Isätz het aus perfekt klappet. Danke viu
viu mau a aui wo ghulfe hei.
Abschied
Dr Luc Lenz wird dr FC Langnou im Ver-
louf vom Ougste verlah. Är darf mit sine
Eutere u am Nils für 2 Jahr uf Jordanie. Für
diä bevorstehendi Herusforderig wünscht
dir u dirä Familie z’ganzä Team u sicher
o dr ganz Verein aus Guetä. Vergiss dr
FC Langnou u diner Gspändli nid. Mir
fröie üs scho hütt druf, di im FC wieder
z’begrüessä.
Coach Seppu Neuenschwander
8 Spiu, 49 Gou!
DA - J UN I OR E N
