14 / 56
12
1.
Us speaker isch es natürlech mis
highlight we ds heimteam es gou
schiesst. Grad 34 mau isch mir di
saison di ehr zuegwise worde mini
stimm i szene ds setze- dür mini ver-
tragsverlengerig stigt o mini erwar-
tigshautig- drum bitte 50 gou, so
das ig mi cha verusgabe
2.
I ha mi vom mim idou em Felix
Quälix Magath la inspiriere: i ha viu
gmeinsamkeite mitem Mario Basler.
Mir trinke gärn es bier. Ig aber ersch
nach der arbeit.
3.
I ha di saison gloub so viu gwöschet
wi i mim ganze läbe no nie. Z gras
isch grüen d hose wiis drum ha i bim
wösche gäng es gschiis.
4.
Viel Mühe für wenig Lohn. Das muss
sich ändern…
5.
Weni ha chönne derbi si hets immer
gfägt, drum isch mis ziu für nächscht
saison meh aus 5 mätsche z spiele
6.
Anstatt nachem mätsch e glace e
hüuse doch o nid schlächt
7.
Es gou hani nid gmacht, für es
dribbling bini ds langsam, aber für
es subers tackling längts no
8.
I bi ender für eskapadene näbem
platz bekannt. Aber mini 17 gou
muesi nächscht jahr bestätige, mis
ziu si mindeschtens 20.
9.
I ha i dere saison viu individuelli fäh-
ler gmacht. Nächscht saison söttes
viu weniger si. Für das ds erreiche
gits nume eis: training für training
match für match.
10.
Ech ha di saison dopplet so vell
goal gschosse wi gäubi chartegholt.
Demfall settiech ir zuekunft chli meh
gäubi charte hole! (Amerkig vom
trainer: 1 gäubi charte isches gsi)
11.
Da i di saison nume 1 gäubi char-
te ghout ha u 2 gou ha gschosse
hani no luft gäg ueche. Aber da i
scho über 30 bi wird sech ev. nume
zau vode gäube charte erhöhe. Viu
verzeue drum dasme im auter nid
schneuer wärdi. Sit meh aus 25 Jahr
bini bim Fc Langanau u bi froh im-
mer no ä teil vor 1. Mannschaft dsi.
12.
I ha die saison mini 3 erschte charte
vo mire karriere ghout u es hettmer
bimenehaar der biel match koschtet.
Wärde aber äuä nid di letschte gsi
si…
13.
Um di goudegi ananas ds spilä längt
mir nüme.
14.
Letscht saison hani 3 paar goali-
händsche düregla, soviu wi no nie!
Obs dran ligt dasi endlech ha glehrt
fasse oder ob d stürmer im training
o mau ds gou breiche weisi ou nid.
(amerkig vom Trainer: vilicht ligts o
dranne dasmer mit üsne usrüschter
Uhlsport u Schuemärit eifach besseri
bäu u schue hei wo wi vo allei der
wäg ufs gou finge!?)