12 / 56
10
I derä saison heimer bereits vo beginn
vor rückrundi a nümme z bsteue gha. 13
pünkt hingerem leader Zoubrügg u öpe
glich viu vorsprung uf d abstiegsplätz.
Somit isch für üs für einisch der cup bau
wichtiger gsi aus d meischterschaft. Ir vor-
rundi heimer dert Thörishus u Hünibach
us der 4. Liga Pieterlen us der 3. Liga so-
wie Nidau ä 2. Ligischt usgschautet. Ds
los hettis de der Fc Schönbühl gä. Ä aute
bekannte us der 2. Liga. Am afang vom
Spiu heimer de o rächt müei gha mit irem
tempo. Aber je lenger dases gange isch
umso besser simer ids spiu cho. D 1-0
füerig heisi no chönne usgliche. Aber ir
80. Minute het der heiniger mit sim 2.
Gou i däm match d weiche gsteut. Reber
Simu het de usnahmswis ono eine säuber
gmacht u zum endstand vo 3-1 igschobe.
Ir 6. Rundi hets de haut der Fc Biel-Bienne
uf Langnau gspüeut. Di Mannschaft wo
usem letschtjährige Fc Biel use isch ent-
stange u wäge gäudproblem het mües-
se zwangsabstige het aber geng no sehr
gueti spieler i irne reihe.
Überdurchschnitlech viu gueti spieler…
Si hei das spiu o ernscht gno u vo afang
a zeigt dasi hie keni gschänkli wärde ver-
teile. Churz nach der pouse isches de när
o 0-4 gstange. Ganz am schluss de aber
nume no 2-4. Uf der einte site het Biel
chli tempo usegno u o zu üsem glück der
eint oder anger konter nid fertig gspiut,
respektive a küenzi gschiteret wone sehr
gueti partie het gspiut, u aber o uf der an-
gere site hei mir nie nagla u 2 sehr schöni
gou chönne mache. Somit isch üses chline
cupabetür o scho fertig gsi bevor dases
ume izug i finau u somit zur berächtigung
ar 1. Houptrundi vom schwizercup isch
cho. Der sporti het scho vom BSC YB trö-
imt gha.
Ir meischterschaft simer schlussändlech
5. worde. Us 22 Spiu heimer 12 gwunne
2 unentschide u leider chli viu nämlech 8
mau verlore. Mir hei 62 gou gmacht u 43
übercho.
Uf di neui saison blibt d mannschaft
gröschteteus zäme. Nume der Yuri geit
zude Rapperswiljona Lakers ga studiere u
isch somit nüm im ämmitau.
Neu derzue chöme bis iz 2 ehemaligi.
Mitem Astrid Krasnici u em Liridon Gashi
chöme zwe zrüg wo ihres fuessbauglück i
de letschte jahr angerne orte hei gsuecht.
Der räschte vo team inklusive staff blibt
erhaute.
Das si gueti vorussetzige fürne steigerig ir
neue saison.
Ä churze rückblick us an-
gerne perspektivene uf dr
nächste Site – Viu Spass!
Störchu!
RÜCKBLICK US ANGERNE PERSPEKTIVENE
z ‘ E I S